Врз основа на член од 52 став 1 точка 19 од Статутот на УКИМ-ИЗИИС, Директорот на УКИМ-ИЗИИС на ден 28.04.2025 година свика состанок на Стручниот колегиум во кој учествуваа сите учесници во процесот на издавање на Мислења за проектиран и изведен степен на механичка отпорност, стабилност и сезимичка заштита (во понатамошен текст МСЗ), а во врска со новонастанатата состојба со бришењето на Приватна научна установа – Институт за земјотресно инженерство и климатски промени (ИЗИКП) од Регистарот на субјекти за вршење на научно-истражувачка дејност. На состанокот се дискутираше по следната точка:

1. Дефинирање на процедура за продолжување на постапката за издавање на Мислења за проектиран и изведен степен на механичка отпорност, стабилност и сезимичка заштита, за објектите за кои оваа постапка била започната, а не била завршена од страна на Приватна научна установа – ИЗИКП. После опсежната дискусија Стручниот колегиум ги донесе следните

• УКИМ-ИЗИИС, прифаќа аплицирање на предмети кои ја започнале постапката за добивање на Мислења кај Приватната научна установа – ИЗИКП после 8 ноември 2023 (Ценовник за висината на надоместокот за мислењата за проектираниот и изведениот степен на механичка отпорност, стабилност и сеизмичка заштита на градбите, Сл. Весник бр. 236 од 8 Ноември 2023).
• Постапката за завршување на издавањето на Мислења за проектиран и изведен степен на механичка отпорност, стабилност и сезимичка заштита, без разлика во која фаза е истата, започнува со задолжителна контрола од страна на УКИМ-ИЗИИС на целокупната претходна документација за објектот.
• Постапката за завршување на издавањето на Мислења за проектиран и изведен степен на механичка отпорност, стабилност и сезимичка заштита продолжува после утврдувањето на усогласеноста на целокупната документација со постојните законски прописи во Република Северна Македонија.